رهین منت عشقم منه کویون نشان وئردی
اولوردوم ناتوان جسمه نگاهون تازه جان وئردی
سنه حق پیشگاهنده بیر اوزگه جایگه واردور
حریمونده بو عشاقه خدا خط امان وئردی
چکوب صف آستانینده نماز عشقه مجنونلار
گلوب روح القدس گوردوم قاپوندا تا اذان ویردی
جهانی ویرسلر عشقون محال امریدور وئرسم
اگر چه گلشن عمره غم هجرون خزان وئردی
قاپوندان گئتمرم هرگز سنه بنده اولام خوشدور
اوجاتدی باشیمی عزت منه بو آستان وئردی
رقیبیم حیرته دوشموش سنون حسن جمالوندان
خدایه شکر اولا سن تک کیمه ابرو کمان وئردی
منم طائر نظر قیلدون آچلدی لکنتیم دلدن
آنادان لال اولان طفله سنون عشقون بیان وئردی
تقریر ۹ آذر ۹۹
- پنج شنبه
- ۵
- اسفند
- ۱۴۰۰
- ساعت
- ۵:۲۹
- نوشته شده توسط
- طائر
- شاعر:
-
طائر اورنگی
ارسال دیدگاه